Raaznama

زمیں پہ تھا آسماں پہ بھی اب اکال آئے غبارِ مذنب تھا دل میں جو ہم اچھال آئے

از شمس الرحمان فاروقی میری زبانی اس مقالہ میں فاروقی صاحب اوّلاً اس بات پر بحث کر رہے ہیں کہ آیا یہ تصور کہ تخلیق و تنقید برابر ہیں واقعی درست ہے یا نہیں۔ اس کی توضیح کے لئے فاروقی صاحب چند مفروضوں کا سہارا لیتے ہیں ۔  سب سے پہلے وہ اس سوال پر ہماری توجہ مبذول کرواتے ہیں کہ آیا  در واقع تنقید کا کوئی ہم سر یا ہم سفر ہو سکتا ہے ۔  چند حضرات چونکہ تخلیق و تنقید کو ایک دوسرے کا ہم سفر یا ہم سر منوانے پر مصر ہیں شاید فارقی صاحب اس موازنہ کو غلط ثابت کرنے کی راہ نکال رہیں ہیں۔  ان کا کہنا ہے کہ ایک طرف لوگ یوں معترض ہیں کہ جن سے تخلیق بن نہیں پڑتی وہ تنقید کی دکان کھول لیتے ہیں اور دوسری طرف ایسے لوگ ہیں جو تنقید کو تخلیق کا ہمسر و ہم سفر کہانے پر مصر ہیں سو اب دیکھنا یہ ہے کہ باقی مقالے یا مباحثہ میں فاروقی صاحب ان دو گروہوں میں سے کس کی بات کی حمایت کرتے ہیں یا کوئی تیسری راہ نکالتے ہیں۔ میری رائے میں اس کا مقصد صرف اور صرف مقالمے کا آغاز ہے (جو شاید اتنا اچھا آغاز نہیں بهرحال ۔۔۔ ) تا کہ قاری کو یہ بات سمجھائی جا سکے کہ دراصل تنقید کا مقام تخلیق سے کمتر ہی ہے۔  اب دوس

راگ پوروی راگ  پوروی کافی اداس راگ ھے۔  اور مجحھے بےحد پسند ہے۔ آج گیٹار پر غلطی سے کچھ نوٹس بجائیں تو دل کو بہت تسکین ہوئی۔ ٹوہ لگائی تو معلوم ہوا کہ بھائی یہ تو آپ کا پسندیدہ راگ ہے۔ انگریزی کے مشہور سکیلز  میں اس جیسا کوئی راگ آپکو نہیں ملے گا۔ گیٹار پر اس کو بجانے کے لیےمیں جن سروں کا استعمال کر رہا تھا وہ ہیں  E F G# Bb B C Eb E    یوں کہیے کہ یہ راگ پوروی ہے جس کی روٹ نوٹ ای ہے ، یعنی یہ راگ راگ پوروی ای سے مسموم کیا جا سکتا ہے۔ یہ جو سروں کا جمگھٹا ہے یعنی  ای مائنر ، ای اور ایف اور ساتھ ہی بی مائینر ، بی اور سی یہ سروں کے مابین برابر فاصلے کو قائم نہیں رہنے دیتا اور یوں یہ آھنگِ عتبہ عدم توازن  غم و اندوہ کی سی کیفیت کو جنم دیتا ہے۔ آروہنا  : سا ،کومل رے ، گا ، تیور ما ، پا ، کومل دھا ، نی، سا اورہنا : سا ، نی ،کومل دھا، پا ، تیور اور کومل ما دونوں کا استعمال،    گا ، کومل رے ، سا  جاتی : سمپورن وادی : گا سموادی : نی پکڑ  : میرے خیال میں پکڑ شاید وہ سروں کی  پرمیوٹیشن ہیں جن کا استعمال راگ کو پہچاننے کے لیے کارآمد ہو سک

Listen to Behtareen E Bahtareen E Man by razi haider on #SoundCloud https://t.co/YWxdqwz1Ep — Razi Haider (@srazihaider) July 21, 2019

بے کلی دیکھ بوڑھے پھولوں کی اک کلی پھر نکھر گئی ہو گی ہم سی تھی زلف ِ شب پریشاں تو بین کرتے بکھر گئی ہوگی رضی حیدر — Razi Haider (@srazihaider) April 7, 2019

مژگانِ شمع اٹھتے دھواں سا اٹھا رہا  خنجر چلے ہے دل په اٹھ کر کدھر چلے  دورِ مدام تابفنا یوں چلا که شمع   دل گال دے اسی جا جہاں آگ پر چلے

میں خلاق المعانی ہوں؟ میں خلاق المعانی تھا؟  میں بس آزدہ ہوں جانی، بصد آزردہ جانی تھا درونِ داستاں اک داستاں تھی داستاں میری میں جو ہوں داستانِ داستاں اس کی زبانی تھا میں بھولوں بھول جاؤں کیسے خود کو بھول جاؤں کیا  گماں کی آفرینش یا گماں کی بدگمانی تھا  وہ مَن مَن خود کلامی عارضه تھی سو ہے حق لاحق  یہ مِن مِن ہر زباں کو ہے مرا طرزِ زبانی تھا  ترے پستان تھے نوکِ زباں تھی میری اور غم تھا   جنوں کو اے ہوس که دائمی جو بھی ہے فانی تھا

اس قتل گہہ چرخ میں ہیں دام نہاں اور  چرخ اور قہر اور الم اور گماں اور اس قتل گہہ چرخ میں ہیں دام نہاں اور چرخ اور قہر اور الم اور گماں اور رضی حیدر — Razi Haider (@srazihaider) April 5, 2019

رات سالوں میں تھی مگر ہم پر  سال بھی تو گزر ہی جاتے ہیں  ہم میں ہم تھے نہیں رہے تو کیا   ہم سے رہتے نہیں گزر ہی جاتےہیں   ہم سے ایسے ہیں درہم و برہم   اپنے دیوار و در جلاتے ہیں   ہم نے مرنا ہے مر گئے ہونگے    تیری باہوں میں مر ہی جاتے ہیں سوچتے ہیں سبھی که ہیں موجود  پھر یہ بسمل کدھر کو جاتے ہیں  دل جلے ہیں سو دل جلائیں کیا  دل جلے ہوں تو دل جلاتے ہیں  سانس کے چھل میں اور کیا گزرے   رک گئے جو گزر ہی جاتے ہیں   اک مدام اور پہلوئے جانا    ہم کہ مرتے مکر ہی جاتے ہیں    کج نگاہ ہیں یہ آسماں والے    چل زمیں پر ہی گھر بناتے ہیں

ٹوٹتے ہیں پر جلائے جائیں گے  دل ستارے گھر جلائے جائیں گے نشه مے میں جلیں جو سوخته دل  آخرش کیونکر جلائے جائیں گے

میں جو کہتا ہوں سنتا کیوں نہیں ہے  خدا ایسا ہے کیا ایسا نہیں ہے

دل کی لکھےہے  پر جلائے ہے شاہ پر ایسا یہاں کہاں ہوگا

بھولے سے نام آ ہی جاوے ہے لب پہ  یوں کہہ رہے کہ ہم سے یکسر خطا ہوئی

رووے ہے آنکھ بارے، پگلے ہے دل بھی یکسر ،   خاک آدمی ہے تو نے شمع بنایا ہو گا View this post on Instagram #rekhta #rekhtafoundation #urdupoetry #urdu #ghazal #urdughazal #islamabad #lahore #shairi #delhi A post shared by Razi (@haider_razi_me) on Jun 2, 2019 at 5:00am PDT

View this post on Instagram #urdupoetry #nihilistmemes #narcissus #urdu #urdusher #philosophy #think #mushaira #hindi #hindisher #rekhtashayari #rekhta #rekhtafoundation A post shared by Razi (@haider_razi_me) on Jun 1, 2019 at 5:32am PDT

زلفِ خمدار کے پھندوں پہ مرے جانے والے  ہم سے بیمار جنھیں دار پہ جینا آیا اوس پیشانیِ گل پر ہو سو ہو لیکن کیا  پتیوں پر کبھی سورج کی پسینا آیا  خون پینے پہ مسر مے تھی، تو اسکو ، لیکن  تجھ جگر سا اس خونخوار کو پینا آیا؟ گو کہ پوجوں ہوں ہبل، امر و اطہر ،لات و منات  سر جھکا جائے ہے جو ذکر مدینہ آیا 

دریا میں کیا روانی، چشموں میں کیا تراوت  سیلاب نوح تھا ان آنکھوں میں دھول جھونکی 

یہ عجیب خط ہے کہ میں ہی اسے لکھ رہا ہوں اور میں ہی اسے پڑھے جاتا ہوں، تسبیح کی طرح، صبح شام۔ میں نے ضرورت سے زیادہ چشموں سے باتیں کی ہیں، قطروں کی ہنسی کو چھوا ہے، سرسراتی ہوا کی اداسی کو گھنٹوں چکھا ہے۔ میں سچ سن چکا، وہ سچ جو قبروں میں مقید مُردوں کو سنائے جاتے ہیں۔ وہ سچ جن کی تجلی زندوں کے حواسِ سامعہ کو سرمہ کر دے۔ تو پھر یہ سچ مجھے کیوں سنائے جا رہے ہیں؟ میں تو زندہ ہوں___کیا میں زندہ ہوں؟؟ میں گر رہا تھا، کالے بادلوں سے بارش کے قطروں کے ساتھ۔ میں بھی ایک قطرہ تھا،خون کا، ایک لوتھڑا، ایک جنین، بچہ دانی کی تلاش میں۔ مگر جس بچہ دانی میں مجھے جگہ ملی وہ خاردار تاروں سے گِھری تھی- جس کے باہر بندوق بردار لمبے قد اور داڑھی والے، پٹے رکھے پہرہ دار، پہرہ دے رہے تھے۔ یاداشت کے خالی رخنے تخلیق کیے جا رہے ہیں، جہاں چالیس سال بعد میں اپنی تخلیق کے بوسیدہ پنے کھودنے آوں گا۔ دل میں خدا کا وہم پرویا جا رہا تھا جہاں چالیس سال بعد خدا کی جگہ ایک شگاف ہو گا، کالے بادلوں میں گِھرا۔۔ میں زبانوں کےاس بدنصیب شہر میں پیدا ہوا جہاں چپ کا دریا بہتا تھا۔ "حقیقت وہ شام ہے جس کا ڈوبتا سو

یہ کون کٌھنڈی آری سے میرا تنا کاٹ رہا ہے کون میری وکھیوں کی ٹہنیاں توڑ رہا ہے مجھ سے نیانوں کے جھولے بنانا، یا سکول کی نِکی نِکی کرسیاں میرے ہاتھوں سے سالنوں کے ڈونگے چمچ میرے پیٹ سے سہاگ رات کے رنگلے پلنگ چل بھانوے، مجھے انگیٹھی میں ڈال دے میری آنکھیں بس میری رہن دے میں نے اپنی ماں کا رستہ تکنا ہے میں ایک بودا درخت ہوں جسے سبزا دیکھے اسی سال ہو گئے ہیں مائے وے مائے! تیرے کہن پر میں اپنی انتڑیاں پھیلائے پانی ڈھونڈتے، ہزاروں فٹ نیچے آ گیا ہوں مائے وے مائے ! یہ کدھر جنا تو نے مجھے؟ جدھر انّے دریا، پتھر ٹٹولتے رستہ بھول جائیں کوے بھوک سے اپنے موئے ساتھیوں کے ڈھانچوں کا سُکھا گوشت چابتے ہوں۔ کوئل موت کی تسبیح پڑھتی ہے مائے! مائے وے مائے ! یہ کدھر جنا تو نے مجھے؟ جدھر سانپ زہر کی دوات میں اپنی زبان ڈوب کے شعر کہتے ہوں جدھر مچھیوں کے آنسووں کا کھارا پانی یاد کرتے کشتیاں بودی ہو گئی ہوں مائے میں ان کشتیوں سے بھی زیادہ بودا ہوں ریت کے جھکڑ میں جو تیری تصویر بنتی ہے اس سے ہر روز کہتا ہوں، میں اس سال کے سوکھے میں اور نیچےنہیں کھود

چھپکلی چیختی ہے رفت کی بے خوابی سے ٹڈیاں کاٹتی ہیں رات کے گونگے پن کو سرد صرصر کی زباں رونگٹوں کو چاٹتی ہے لاکھوں زندوں کی تمناؤں کے ڈھانچوں کا ثمر لاکھوں مردوں کی نفس بستہ بقا تکنے کے بعد میں کہ ہوں، ہوں بھی نہیں پھر بھی جیے جاتا ہوں وہ کہ ہے، ہے تو سہی، پھر بھی کہاں ہے آخر غم کے رخنوں کو بھرے جاتا ہے تھکتا ہی نہیں مرگ کا سنکھ بجے جاتا ہے رکتا ہی نہیں سر پہ یہ نیل کا دریا ہے یا کانا دجال چاند کی آنکھ سے، تکتا ہے مےٌ ازرق کو رنگ تاروں کے غٹک کر وہ سرورِ خود میں لوٹ جاتا ہے ہر اک رات رہِ ابرق کو تارکول اُس ہی جہاں تاب پہ گرتا ہے جسے زعم ہو زرق غلافوں کی ضیا باری کا سرخ الفت کی سحر تاب سحر کاری کا چاٹتے چاٹتے قرنوں کے مقید بونے پھر سے سو جائیں گے، پلکوں کی گراں باری سے سرد لمحوں کی زمہریری زہرکاری سے دل کی بے جان زمینوں سے نکالے جائیں احمریں ہاتھ، مرمریں جسم، ابابیلوں کا خون مردہ چڑیوں کے زنخداں، تانبے کی چیخیں، گرتے ہاتھی کی فغاں، (کتنےآزردہ ہیں قریوں کی تباہی کے نشاں) اشک دریاؤں کو فرمان سنا دو اب کے سب کے سب بار دفینوں سے بہا ل

عاصمہ جہانگیر کے نام شہسوارو وقت کے گھوڑوں سے اترو شاہ زاد ی، جسکی تند تلوار کے ڈر سے کبھی دشمن کے ہاتھی اپنی فوجوں کو کُچل دیتے تھے وہ جنگجو سپاہی خاک ہوتی ہے نِگوں سر، پر علم، اونچے اٹھاؤ دل کی دھڑکن کو طرب کی تھاپ سمجھو اور رجز گاؤ خمیدہ حوصلوں کی لاش پرپڑھ کر انھیں پھونکو ابھی جرأت کے بھالوں نے نجانے کتنی زرہوں سے گزرنا ہے اگر پیتل کی ڈھالوں کی نڈر آنکھوں کو پگلانے کا یارا شاہ زاد ی ہی کے بس میں تھا تو سن لو شاہ زادی اب نہیں ہے اب تمہاری سہمی تلواروں کو لڑنا ہے المناکی؟ خدا کی قسم کھا کر کہہ رہا ہوں درد اتنا ہے کہ آھن کو نگل جائے زبیحوں کا لہو پی لے خدا کی قسم کھا کر کہہ رہا ہوں درد اتنا ہے کہ راتیں نیند کی دیواریں چاٹیں گی مری ہڈیاں چبائیں گی خدا کی قسم کھا کر کہہ رہا ہوں درد اتنا ہےکہ میری روح کا خیمہ اکھڑتا ہے مگر نیزوں کو نیچے کرنا تلواروں کو رکھ دینا گناہ ہے شاہزادی کی شجاعت کے علم اونچے کرو گر شاہ زادی اب نہیں ہے اس کی شمشیروں نے جینا ہے گلوں کو پھاڑ کر چیخو ابھی گھمسان کا رن ہے

شام اک ترا خواب ہی حقیقت تھا  اور جو کچھ تھا بس حزیمت تھا  تیری آنکھوں کے کیسری بادل  میرے سینے میں ڈوبتا ہوا دل  اس قدر خامشی میں بیچ سفر  شام ہونا بڑی اذیت تھا 

وہ جو دور کھڑکی پہ لٹکی ہے دھوپ سے بچنے کو کسی نے بہت چاؤ سے کشمیر کی تنگ گلیوں سے خریدی ہو گی  جانے خواہشوں کے کتنے چکور  انجان پہاڑوں سے اڑ کر اُس وادی میں آن بیٹھے ہوں گے جہاں ایک نو بیاہتا بیوہ اپنے شہید شوہر کی یاد میں لال پھول کاڑھتے کاڑھتے بوڑھی ہو گئی تھی (وہ چکور دیواروں پر کبھی نہیں بیٹھتے کیونکہ کشمیر کی دیواریں خاردار تاروں اور کانچ کے ٹکڑوں سے گوندھی گئی ہیں لے کے رہیں گے آزادی چیختے چیختے وہ بھی کبڑی ہو گئی ہیں) جیسے کھڈیوں کی لَے کو شال کے دھاگے پہچانے ہیں پیچھا کرتی جیپ کی چنگھاڑ کو  بندوق کی گرم نالی سے نکلتی دھاڑ کو اور اس آواز سے گونجتے پہاڑ کو بھی شال کے دھاگے جانتے ہیں اور اس آہ و بکا سے دور جہلم کی مٹیالی سرگوشیوں سے پرے اس شال کا تحفہ دیتے ہوئے اس نے سوچا ہو گا کہ شاید یوں یہ شال آزاد ہو جائے اس کے ریشے، جاڑے کی ٹھنڈ میں، کسی سٹریٹ لائٹ کے نیچے ایک گداز جسم کو گرمائش پہنچائیں پر وہ تو دور کھڑکی پر لٹک رہی ہے دھوپ سے پچنے کو جیسے نئی نویلی دلہن ہو اور پہلے ہی دن چپ چاپ رسوئی گھر میں چولھا جھونک رہی ہو

کٹی کلائی اور اندھیرا کمرا‎ اندھیرے کمروں کے ککون میں فون کی گھنٹی بجتی رہے گی تیرے لہو کی آشوبی بارش کو شیشے توڑنا ہوں گے اس بارش میں جھلسی دھند کو پہروں چیختے رہنا ہو گا مارگلہ کا سبز سکوت ہر رات مرے بستر پر اگے گا روڑ پار بندروں کو ہمیشہ چھلیاں چوری کرنا ہونگی تیری ہنسی کو گونجنا ہو گا ! اندھیرے کمروں کے ککون میں  سانس گھٹا بیمار ذہن ہر نبود کو چاٹے گا اور مرے پپڑی سے اٹے لفظوں کو سرخی لیپنا ہوگی تیرے بچپن کی اک شیطانی کے داغ کو چومتے رہنا ہو گا اندھیرے کمروں کے ککون میں 

ڈارون کی لاش پہ تانڈو ناچ رچانے والا بندر  پوچھ رہا تھا  نیٹشے کے یبھ کو سن کر زرتشت نے آخر بولا کیا تھا  سی ایم ایچ روڈ کی اُترائی پر ایک نیانا  ایک مروڑی تار سے سائیکل ٹائر گھمائے جاتا تھا  کار میں بیٹھا میرا ہیولا  آئنسٹائن کی ریلیٹوٹی کی گھمن گھیری پاٹتے پاٹتے ہار چکا تھا  میرے وقت اوراُس کے سمے کے بیچ یہ صد صدیوں کا بندر  سپیس ٹائم کی چادر اوڑے ناچ رہا ہے  آئنسٹائن سہی کہتا تھا  ماس انرجی دونوں ایک ہی ہیں  یہ سب ہندسوں کا چکر ہے  اگنی کے ہاتھ سے لکھے ہندسے  پھر سے نئے ذرے کی کھوج میں نٹ راجا سے نئے کَرَنڑ کا پاٹ پڑھیں گے  اور مرا بیمار ذہن پھر سو جائے گا  زینکس رات کا دیمک بن کر  میری نظمیں چاٹ رہی ہے  اور میں اک دیوار پے بیٹھا  خواب کا ڈمرو پیٹ رہا ہوں  ----------------------------------------  کَرَنڑ / करण  کرنڑ کلاسیکی ہندوستانی ناچ کے ۱۰۸ روپ ہیں جن کی تصریح ناٹیا شاسترا میں بیان کی گئی ہے- کرنڑ کے معنی کرنے کے ہیں گھمن گھیری۔ بھنور کے معنی میں استعمال ہونے والا پنجابی کا لفظ  https://en.m.wikipedia.org/wiki/Tandava  https:/

لب کھلے کچھ کہیں نہیں بولے لفظ بولے ؟ نہیں ! نہیں بولے۔ کب سے خوابوں کے بل کھڑا ہوں میں  اپنی آنکھوں کی پتلیاں کھولے میری باہوں کی بےوفائی کو میرے کاندھے پہ رکھ کے سر رولے قید ہوے گی کالے پانی کی آج کاجل اتار کر رو لے رمز کیا تھا کہ راگ پورو میں راکھ گاتی ، آلاپتے شعلے پی رہی ہے شراب کی سرخی خون میرا عذاب میں گھولے کب سے یاں روشنی نہیں آئی کب سے آنکھوں کے در نہیں کھولے

زندگی بھر اٹھاۓ اٹھ نہ سکا  بار سانسوں کا ، اک حباب ہی تو تھا  کاٹتا تھا بریدہ اندهیاوؤ  رات اشباحِ اضطراب ہی تو تھا  دھڑکنیں رک گئیں ، یہی کہتے  نبض کیا ہے ، عذاب ہی تو تھا  دل لگی جسم کی ضرورت تھی  عشق خانہ خراب ہی تو تھا  اپنے شعروں میں جی لئے ورنہ  یہ دوام اک سراب ہی تو تھا  گو پزاوے میں آگ بھڑکے ہے  دل کا ایندھن شراب ہی تو تھا  میں نے دیکھا تو خوں چکاں پایا  اس نے بولا گلاب ہی تو تھا

صور یا کوئی سگار      صور یا کوئی سگار، پھونک  دل جلا نہ شبِ تار، پھونک  آنکھ میں ایک وہی خبط ،اس کو  اب نکال و غبار ،پھونک  شمع ِنگہتِ یار،اس رات  میرے پر ، مرے مدار، پھونک  نار بھج رہی کہ چربیِ،خوں  خود انڈل کہ کہےیار، پھونک 

جمتے خون کے جالے جمتے خون کے جالے مجھے  (ریشم کے کیڑے کی مانند ) مجھ میں مقید کر چکے ہیں  حیض ابل رہا ہے نس نس سے  کچے گوشت کی بو  کرگسوں کے جھرمٹ  چیختے ہوئے  ایک ساحل پر لیٹی عورت  (ایسے جیسے اس کی بچہ دانی  مردہ بچوں کا گھر ) وہ آبلہ پا  اسکی تمنائیں بے سد  مردہ بچہ ، لال سمندر  کرگس اسے نوچتے ہوئے

خواب آور گولیاں خواب آور گولیاں ، نگلیں تو سب غم مٹ گئے  ایک غم دیدہ مصور ، جس کے کینوس پر بھرے  عقل کے،شہوت کے ، خواہش کے سبھی رنگ مٹ گئے  خواب آور گولیاں ہیں مخمسوں کی چارہ گر  خواب آور گولیاں تریاق سم ،تریاق غم  گوکہ پیروں میں ہیں بے سد مخمسے اور اضطراب  گولیوں کی قید میں ہے جاودانی کا حباب  مخمسو اٹھو ! کہ پھر سے رنگ کینوس میں پڑے  پھر مصور رتجگے اور رنگ آمیزی کرے  آرزو مندی وآہ زاری کے گھنگرو پہن کر  پھر خراساں کا وہ رومی ، رقص تبریزی کرے   

زلفوں کے شکنجے   زلف کے نرغے میں خواب  خواب نیرنگِ سراب  اس کی جبیں پر کھدی، اس کی جوانی کی شام  بوسۂ لب ،خامشی،خواب تذبذب کا جام  صبح کی درخشندگی میں آدمی سارے نبود  خواب کے اندھیر میں مژدۂ راہِ ثبات  باغِ عدن سے تہی، خواب نویدِ بہشت  خواب اک ایسی کنش،  جس میں خداؤں کو موت ہے اور بشر کی حیات

کہاں کی نیت کی بات کرتے ہو؟ پاکبازوں کی نیَتوں کی ؟ مرے سرہانے تو اس طرح کی کسی بھی نیت کے بت نہیں ہیں! (ہُبل سِراپِس کے بھاری جسوں نے کب سمانا تھا میرے نطفے میں) مرے سرہانے ،تو جسم کی بھوک کا دیوتا کھڑا ہے کہاں سے ٹوٹے گا اس دیوتا کا بت کہ جس کا خمیر ماؤں کی ناڑ میں ہو لٹکتی جیبھوں میں اُسکی شہوت کےلاکھ شعلوں کا رقص بھپکوں میں اڑ چکا ہے ہزار روحوں کا ماس چوہوں کی دم کی مانند کُڑکیوں میں پھسا ہوا ہے اٹا اندھیرا، پسینہ ،بدبو خمار، جام و سبو سبھی ہیں گداز جسموں پے کاو کاو آخری ہوس نشاں تو ہیں نیتیں نہیں ہیں -------------------------------------------------- ہُبل ، سِراپِس دونوں اپنے اپنے زمانے کے گرانڈیل خدا تھے - سراپس کو عیسایئوں نے ۳۸۹ عیسوی میں اور ہُبل کو مسلمانوں نے ٦۳۰ عیسوی میں نابود کیا تھا کڑکی کا لفظ پنجابی میں چوہےدان کے لئے استعمال کیا جاتا ہے ۔بھلے شاہ کے کلام میں بھی مستعمل ہے ایسیاں لیکاں لائیاں مینوں ہور کئی گھر گالے اُپّر واروں پاویں جھاتی وتیں پھریں دو آلے لُکّن چھپّن تے چھلّ جاون ایہ تیری وڈیائی جند کُڑکی دے منہ آئی 

جسم ادھ ڈھکا ہوا جسم ادھ ڈھکا ہوا  جام ادھ پیا ہوا  خواب و خم گھلے ہوئے  نظم ادھ لکھی ہوئی  وقت کے مدار میں ، منجمد ہزار پل  تیوری چڑھی ہوئی  چیخ اک رکی ہوئی  اشک اک تھما ہوا  آنکھ رتجگی ہوئی  وقت کے مدار میں ، منجمد ہزار پل  رمز انکہے ہوئے برف کچھ جمی ہوئی  مخمصہ ، مغالطہ  چپ ہے ٹک لگی ہوئی  وقت کے مدار میں ، منجمد ہزار پل

ڈوب گئے آب کے سبز میں کالے نہنگ  ایک ہوئے خواب کے اور حقیقت کے رنگ  پھر جی اُٹھیں خواہشیں ، جھیل کی آغوش میں  غم کے نبی دَہاڑتے ، گریہْ خاموش میں  جسم ادھ

زندگی کسی کرگس کی طرح  مردہ گوشت پہ پلا کرتی ہے  خود کے پنپنے کی روش میں  یہ حسیں پچھل پیری  ہر ایک سانس، ہر اک روح ہڑپ جاتی ہے 

سرخ تھا جہلم کا جسم،سبز تھی نیلم کی روح  ہم بھی انھیں کی طرح، خاک نما ہو گئے

یورینیم اگر جلے ،سانسوں کو بال دے  چاغی کے آنسوؤں کا سمندر ابال دے

کرب کی ناڑ سے بندھی، نطفۂ خام کی لڑی  اژگرِ یاسگر یہی ، مژدۂ جاں ستاں یہی 

نیٹشے کو جواب ہر خدا کے مرنے پر ناخدا جنم لیں گے  ہم جو غم کے قیدی ہیں ان کو پوجتے ہوں گے

ہو عطا ہم کو بھی ایسی بے دماغی کی کدال جس سے سینے چاک کرنے کا کھلے ہم پر فسوں ایلیا ، اقبال، راشد ،میر و غالب کا وبال کاو کاو رودِ دجلہ ، لابلا سوزِ دروں

رب ہک گنجل دار بھجارت  رب ہک گورکھ دھندا کھولن لگیاں پیچ ایس دے  کافر ہو جائے بندا ہر تالے دا تالا کنجی ہر کنجی ہک تالا پر لائی لگ مومن توں میں  کھوجی کافر چنگا

پروپیگینڈا  مرغِ شتر سن ، کہ مہا یُدھ کا مردنگ شور سی شورش ہے ، انجام کا آرمبھ غل کا پروہت ہے کہ مغزوں پہ بپا ہے لفظ کی تخریب ہے معنی کا سا آہنگ

وفورِ درد سے پھر بھر گیا ہے جام ابھی  اتارتا ہوں حلق سے یہ اِژدہام ابھی  یوں چھیڑ سوز کا ساز اب کے کچھ سنائی نہ دے  سبق خرد کے، نہ ہی اس کی ہنسی کی جھنکار  ہیولۂ غمِ دل ، نہ ہی خواب کا پندار  نشہ ہو اس قدر اب کے کہ کچھ دکھائی نہ دے  یہ روشنی جو ابھی میکدے میں ہے میرے  لہو کے لال چراغوں سے مرتعش کرنا  مجھے´ ابھی` کے کهربا میں بند کرنے کے بعد  ہزاروں سال سمندر کی تح میں رکھ دینا  میں مل رہوں گا کسی روز ایکسکویشن میں  میرے وجود کو مایکروسکوپ پر رکھنا  ہرایک سانس کے لاشے کو کاٹ کر تکنا  مری ہنسی کی یہ شریانیں کب پھٹی ہونگی  مری نگاہ کے بطن میں یہ بوزنے کس صبح  گھسے تھے، دھاڑتے اعلان ِشام کرتے ہوئے 

عالم برزخ کے شعلے ، زلف آہنگ کے یہ سانپ  غم کے گدلے پانیوں میں ڈوبتے خالی ورق  جیب لٹکاۓ ہوۓ حرفوں کے یہ کالے نہنگ  کب تلک تیرے مرے لاشوں کو نوچے جائیں گے  کب ردیف و قافیہ کے یہ ہزاروں عنقبوت  مجھ کو تار آگہی کے جال سے لٹکائیں گے 

اگر مانگے دعا میرے لیے اے سارباں تو یوں  کہ مجنوں لیلی لیلی کرتے اور مجنون ہو جائے ترجمہ از شعر امیر خسرو( احتمالاً) گر اے زاہد ، دعای خیر میگوئی مرا ، این گو کہ آن آوارہ از کوی بتان آوراہ تر بادا

جسم سے ، روحِ ناتواں نکلے دام سے، مخمصے کے جاں نکلے

لگڑ بگڑ عقل دا چبدا دل دا ماس اکھاں جگدیاں روندیاں انھاں عقل نہ آئی راس

تری مہک کا ہیولہ، نہ تیرے لمس کی بھاپ متاعِ جاں! نہ کوئی سانس کی وحی اتری فرشتہ نبض کا آیا ہے دل کے غاروں کو فقط حروف لئے، دھڑکنوں کے الواح سے

وہی گام گام خلفشار نفس نفس فتور وہی لمحہ لمحہ مبہمی وہی قلبِ ناصبور

رات ابھی جمی نہیں ، درد ابھی جنا نہیں شعر سے خوں لکھا نہیں ، خون سے تو بنا نہیں رات ہو چلی صبح کا ہونا بھی ممکن تو ہے چرخ جو گھومتا جا رہا ہے ہاں مگر یہ ممکن نہیں کہ اندوہ کی تاروں کی سختی میں کمی آ جاتے گی چرخ جو گھومتاجا رہا ہے  اک رات کُلفتوں سے برابر بھری ہوئی اک خواب ہیولے سا، مجھے دیکھتا رہا  رات کے دانت گو نہیں ہوتے رات سانسوں کو چاب جاتی ہے کرب کے بے زمین مردوں کو رات خوابوں سےکھود لاتی بے صبح ۔ ۔ دل ، گولیوں کے کُہرے میں ہاتھ پر خوں سے رات لکھتا رہا رات۔ ۔ رضی عدم کے پہلو میں راکھ جنتا تھا خاک لکھتا رہا موت کے رخنوں میں بھرتا ہوں میں سانسوں کا کہر کوکھ میں اس رات کی خوں تھوکتے ہیں ہست و بود رینگتی ہیں چونٹیاں، خون چوستی ہے جونک ناڑ سے جو رات کی دھڑکنیں گزرتی ہیں تیرے بغیر مری نیند کے صفحوں پر خالی قلم سے خاموش نظمیں لکھی گئی ہیں نب میری کھال کی پپڑیاں اتارتی ہے جیسے اکھڑتے پینٹ سے لیپی دیواریں کمرے میں ایک خاص سڑانھد ، بھر دیتی ہے  میرے خوابوں کے سیم زدہ کمرے بھی ایسی ہی بدبو دار ہیجان سے بھرے ہیں۔ رات پھر

آه جکڑے ہے رگِ جاں کو یا کیڑوں کا ہجوم ،ریشہ ریشہ بنُے، ریشم کے رسن طوق کیے ؟  پھر سے دُزدانِ ابد، بحرِ فنا کے قزاق  میری راتوں میں تلاطم کے پیالے تھامے  سینے پیٹیں ہیں ، لہو روئے ہیں ، بتیاتے ہیں  سچ کی آغوش ،اے خرموش ، پرتگاه ِعمیق  سچ کی آغوش وہ بے پایاں لحد ہے جس میں  رمزِ ہستی کے کئی لاکھ چھچھوندر مدفون"  ! بام فردوس سے کودیں گے حشیشین ابھی  ! منہ میں دابے ہوئے طوماروں پہ پیغامِ خدا  برہنہ حرف معانی کے لبادے اوڑے  اک گرانڈیل سے سائے کی طرح رقصاں ہیں  آتشِ عقل کے، الحاد کے گرد  اک پریزاد کے گرد ۔۔۔